កាលពីថ្ងៃទី ០៦ ខែ មករា ឆ្នាំ ២០១៧ នេះ នៅទីរួមខេត្តកំពង់ចាម សាលាខេត្តកំពង់ចាមបានរៀបចំ ពិធីអបអរសាទរ ទិវាជ័យជំនះ ៧មករា ១៩៧៩ – ៧មករា ២០១៧ រំលឹកខួប ៣៨ ឆ្នាំនៃជ័យជំនះ លើបន ប្រល័យពូជសាសន៍ ប៉ុល ពត ដែលជារបបខ្មៅងងឹត កាប់សម្លាប់ជាតិសាសន៍ឯង និងបំផ្លាញសង្គមជាតិ ប្រទេសជាតិខ្លួនឯង ។ ចូលរួមជាអធិបតីដ៏ខ្ពង់ខ្ពស់ក្នុងពិធីនោះផងដែរ គឺមាន ឯកឧត្តម ឧបនាយករដ្ឋមន្ត្រី យឹម ឆៃលី ប្រធានក្រុមការងារថ្នាក់ជាតិ ចុះជួយខេត្តកំពង់ចាម ឯកឧត្តម ហ៊ុន ណេង សមាជិកសភា នឹងជាតំណាងរាស្ត្រមណ្ឌលខេត្តកំពង់ចាម ។ ជាមួយគ្នាផងដែរ មានវត្តមាន ឯកឧត្តម លន់ លឹមថៃ អភិបាលនៃគណៈអភិបាលខេត្តកំពង់ចាម សមាជិករាជរដ្ឋាភិបាល ក្រុមប្រឹក្សាខេត្ត/ក្រុង/ស្រុក មន្ត្រីរាជការ កងកម្លាំងប្រដាប់អាវុធ លោកគ្រូ/អ្នកគ្រូ សិស្សានុសិស្ស និសិត្ស ប្រជាពលរដ្ឋជុំវិញខេត្ត ប្រមាណជា ជាង ៦០០០ នាក់ ។
