ថ្មីៗនេះ ក្រុមការងារយុវជនគណបក្សប្រជាជនកម្ពុជា ខេត្តកំពង់ចាម បានបើកកិច្ចប្រជុំបូកសរុបការងារ ប្រាំបួនខែ ដើមឆ្នាំ និងលើកទិសដៅអនុវត្តបន្ត នៅមន្ទីរគណបក្សប្រជាជនកម្ពុជា ខេត្តកំពង់ចាម ។ របៀបវារៈ អង្គប្រជុំ មានអានរបាយការណ៍បូកសរុបសកម្មភាពការងារកន្លងមក និង លទ្ធផលការងាររបស់ក្រុមការងារ យុវជនគណបក្សខេត្ត សម្រាប់រយៈពេល ៩ ខែ កន្លងមកនេះ និងការលើកទិសដៅអនុវត្តបន្ត ។ កិច្ចពិភាក្សាក៏មាន ការពិភាក្សាស្តីអំពីការត្រៀមខ្លួន សម្រាប់បញ្ជូនក្រុមការងារយុវជនទៅចូលរួមអង្កេតការណ៍បោះឆ្នោត ក្រុមប្រឹក្សា ឃុំ/សង្កាត់ នាពេលឆាប់ៗខាងមុខនេះផងដែរ ។
គួរបញ្ជាក់ផងដែរថា ការងារស្នូលរបស់ក្រុមការងារយុវជនគណបក្សប្រជាជនកម្ពុជា ខេត្តកំពង់ចាមមានការងារស្នូលរបស់ខ្លួនសំខាន់ៗ ៣ រួមមាន៖
-ការពង្រឹងរចនាសម្ពន្តក្រុមការងារយុវជនគណបក្សប្រជាជនកម្ពុជានៅគ្រប់ថ្នាក់ រហូតដល់ថ្នាក់ភូមិ
-ខិតខំកសាង ពង្រឹងនិងពង្រីក សមាជិកបក្សក្នុងជួរយុវជន គ្រប់កន្លែង
-ធ្វើការបណ្តុះបណ្តាល និងកសាងសមត្ថភាព យុវជនគណបក្សប្រជាជនកម្ពុជានៅមូលដ្ឋានអោយរឹងមាំ
