ថ្ងៃទី ១៣ ខែធ្នូ ឆ្នា២០១៥ វេលម៉ោង៨,០០ នៅបរិវេណវត្តនគរបាជ័យ ឃុំអំពិល ស្រុកកំពង់សៀម ឯកឧត្តម ឧបនាយករដ្ឋមន្ត្រី យឹម ឆៃលី ប្រធានក្រុមការងារថ្នាក់ជាតិ និងជាប្រធាក្រុមការងារគណៈកម្មាធិការកណ្ដាលចុះជួយខេត្តកំពង់ចាម បានអញ្ជើញចុះជួបសំណេះសំណាល ជាមួយ លោកគ្រូ អ្នកគ្រូ ចំនួន ១,០៧៥នាក់,បុគ្គលិកពេទ្យ ចំនួន៥៦ នាក់ ព្រមទាំងក្រុមការងារចុះជួយ ស្រុក និងឃុំ ក្នុងស្រុកពង់សៀមចំនួន១.១៧៥ នាក់។
មានប្រសាសន៍ សំណេះសំណាលទៅកាន់អង្គពិធីនាពេលនោះ ឯកឧត្តម ក៏បានលើកឡើងពីការវិវត្តន៍រីកចម្រើនលើគ្រប់វិស័យ ក្រោមការដឹកនាំរបស់រាជរដ្ឋាភិបាលអាណត្តិទី៥ ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ក្នុងនោះឯកឧត្តមក៏បានលើកឡើង អំពីសភាពការណ៍នយោបាយថ្មីៗ ពាក់ព័ន្ធនឹងករណីរបស់ កឹម សុខា និង សម រង្ស៊ី ផងដែរ ។
