ស្រុកកំពង់សៀម៖នៅរសៀល ថ្ងៃទី២៥ ខែមេសា ឆ្នាំ២០២៣ ឯកឧត្តម លី ថៃហាក់ ទីប្រឹក្សាក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានក្រុមការងាររាជរដ្ឋាភិបាលចុះជួយមូលដ្ឋាន ស្រុកកំពង់សៀម រួមជាមួយអាជ្ញាធរមូលដ្ឋាន បានចុះសួរសុខទុក្ខ និងពាំនាំអំណោយរបស់ឯកឧត្តម វេង សាខុន និងលោកជំទាវ ប្រធានក្រុមការងាររាជរដ្ឋាភិបាលស្រុកកំពង់សៀម ខេត្តកំពង់ចាម និងស្រុកតំបែរ ខេត្តត្បូងឃ្មុំ បានផ្តល់ជូនមួយគ្រួសារដែលជួបការលំបាកឪពុកម្តាយបានស្លាប់កាលពីថ្មីៗនេះ បន្សល់ទុកកូនចៅកំព្រា៥នាក់ ដោយរស់នៅក្នុងភូមិត្រពាំងថ្ម ឃុំក្រឡា ស្រុកកំពង់សៀម ខេត្តកំពង់ចាម។
អំណោយដែលបានផ្តល់ជូនរួមមាន៖ អង្ករ៥០គីឡូក្រាម,មី២កេស, ទឹកត្រីមួយយួរ, ទឹកស៉ីអ៉ីវមួយយួរ និងថវិកា១លានរៀល។
