កំពង់ចាម៖នៅព្រឹកថ្ងៃទី១១ ខែមីនា ឆ្នាំ២០២៣ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចុះជួបសំណាលជាមួយបងប្អូនប្រជាពលរដ្ឋតាមខ្នងផ្ទះ ក្នុងសង្កាត់បឹងកុក និងសង្កាត់វាលវង់ ក្រុងកំពង់ចាម និងពិនិត្យហេដ្ឋារចនាសម្ព័ន្ធមួយចំនួន រួមមាន: ផ្លូវបេតុង ផ្លូវក្រាលកៅស៊ូលូរំដោះទឹក ការបំពាក់ភ្លើងអគ្គិសនីបំភ្លឺផ្លូវតាមភូមិ រួមនឹងគម្រោងស្ថាបនាផ្លូវលំក្នុងភូមិដែលនៅសេសសល់។ បន្ទាប់មក ឯកឧត្តមអភិបាលខេត្ត បានបន្តចុះពិនិត្យវឌ្ឍនភាព នៃការសាងសង់ កុដិស្នាក់នៅរបស់ភិក្ខុ សាមណេរ ស្ថិតនៅវត្តជោតនារាមបឹងកុក ក្រុងកំពង់ចាម។
