សម័យប្រឡងមធ្យមសិក្សាទុតិយភូមិឆ្នាំ២០១៥នៅខេត្តកំពង់ចាម បានប្រព្រឹត្តទៅអស់រយៈពេលពីរថ្ងៃ (ថ្ងៃទី២៤ និង២៥ខែសីហា ) ប្រកបដោយភាពរលូន ។ បេក្ខជនដែលមានក្នុងបញ្ជីប្រឡងចំនួន ៥,៧១១នាក់ វត្តមានជាក់ស្ដែងក្នុងការប្រឡងចំនួន ៥,៦៣៥នាក់ អវត្តមានចំនួន៧៦នាក់ (ស្រី២៥នាក់) ។ មាន១១មណ្ឌល ក្នុងនោះមាន៖ ក្រុងកំពង់ចាម ៨មណ្ឌល ស្រុកកំពង់សៀម១មណ្ឌល ស្រុកជើងព្រៃ២មណ្ឌល ។ វត្តមានរបស់អ្នកអង្កេតការចំនួន ៤៩២នាក់ ក្នុងនោះមាន សហភាពសហព័ន្ធយុជនខេត្តកំពង់ចាមចំនួន ២៦នាក់ ស្រី១៥នាក់ ។ ឯកឧត្តម លន់ លឹមថៃ អភិបាលខេត្តកំពង់ចាម និងគណៈអភិបាលខេត្តទាំងអស់ត្រូវបានបែងចែកអញ្ជើញចូលរួមកាត់សោ្រមវិញ្ញាសារនៅតាមមណ្ឌលនានានៅក្នុងខេត្ត ។ ឯកឧត្តម ឆាយ សាវុធ អនុប្រធានអង្គភាពប្រឆាំងអពើពុករលួយ ក៏មានវត្តមានក្នុងក្រុមអ្នកអង្កេតការនៃការប្រឡងនេះដែរ ។
ការប្រឡងមធ្យមសិក្សាទុតិយភូមិនៅខេត្តកំពង់ចាមឆ្នាំនេះ ទទួលបានការវាយតម្លៃពីក្រុមអ្នកអង្ករតការថា៖ សន្តិសុខសណ្ដាប់ធ្នាប់ទាំងក្នុងនិងក្រៅមណ្ឌប្រឡងរៀបចំបានល្អ ការឆែកឆេរបេក្ខជនអនុវត្តបានម៉ឺងម៉ាត់ល្អ បេក្ខជនមានវិន័យល្អ មិនមានបាតុភាពអ្វីគួរឲ្យកត់សំគាល់ ។
