ថ្ងៃទី៨ ខែសីហា ឆ្នាំ២០១៩ ឯកឧត្ដម ខ្លូត ផន ប្រធានក្រុមប្រឹក្សាខេត្តកំពង់ចាម បានអញ្ជេីញជាគណអធិបតីភាព ក្នុងការផ្សព្វផ្សាយ ស្តីពីការស្វែងយល់អំពីរបៀបរបបការងារ និងនីតិវិធីសម្រុះ សម្រួលដោះស្រាយបណ្តឹង ក្រៅប្រពន្ធ័តុលាការ របស់ការិយាល័យប្រជាពលរដ្ឋ នៅស្រុកបាធាយ ខេត្តកំពង់ចាម ដោយមានការអញ្ជេីញចូលរួមពីមេឃុំ មន្ត្រីការិយាល័យស្រុក ពាក់ពន្ធ័។
ជាមួយគ្នានោះដែរ ឯកឧត្តម ខ្លូត ផន ប្រធានក្រុមប្រឹក្សាខេត្តបានលេីកឡេីងថា ការិយាល័យប្រជាពលរដ្ឋបេីកចំហរចំពោះការទទួលពាក្យបណ្តឹងដែលមានភាពមិនតម្លាភាព មិនប្រក្រតី ដោយរក្សាសិទ្ធិនូវប្រភព ពាក់ពន្ធ័ជាមួយណាទៀតផង។ ពោលការិយាល័យប្រជាពលរដ្ឋមានតួនាទីបំរេីប្រជាពលរដ្ឋតាមភូមិឃុំស្រុកប្រកបដោយភាពល្អប្រសេីរ ក្នុងន័យកសាងអភិវឌ្ឍន៍សង្គមជាតិ ឲ្យកាន់តែរីកចម្រេីនបន្តបន្ទាប់ទៀត។
ឯកឧត្តមគណអធិបតីបានបញ្ជាក់ទៀតថា ការិយាល័យប្រជាពលរដ្ឋ គឺជម្រុញឲ្យអាជ្ញាធរព្យាយាមដោះស្រាយរាល់បញ្ហាដែលកេីតមានក្នុងមូលដ្ឋាន ដេីម្បីជួយសម្រួលវិវាទ បញ្ហាអយុត្តិធម៍ នឹងអំពេីពុករលួយជាដេីម ដេីម្បីផ្សព្វផ្សាយដល់ប្រជាពលរដ្ឋមកដាក់ពាក្យបណ្តឹង ក្នុងន័យរកដំណោះស្រាយ នឹងបំរេីសេវាសាធារណៈជូនពលរដ្ឋ៕
