នាព្រឹក ថ្ងៃទី១៨ ខែកក្តដា ឆ្នាំ២០១៩នេះ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជេីញចូលរួមពិធីអបអរសាទរ ពិធីបុណ្យរុក្ខទិវា ៩កក្តដា នៅបរិវេណវិទ្យាល័យ ហ៊ុន សែន ព្រៃទទឹង ស្ថិតក្នុងភូមិព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម និងមានការអញ្ជេីញចូលរួមពីមន្ត្រីរាជការ កងកម្លាំងប្រដាប់អាវុធ បងប្អូនប្រជាជន សិស្សានុសិស្សយ៉ាងច្រេីនកុះករផងដែរ។
កិច្ចចាប់ផ្តេីមកម្មវិធីនេះ លោក ស៉ឹម ថាវីរ: ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ចាម បានអាចរបាយការណ៍ការងារកន្លងមកក្នុងខេត្ត ជូនទៅអង្គពិធីបុណ្យរុក្ខទិវា ៩កក្តដានេះ។
ឆ្លៀតក្នុងឱកាសនោះដែរ ឯកឧត្ដម អ៊ុន ចាន់ដា អភិបាលខេត្តកំពង់ចាម បានថ្លែងថា យេីងរួមគ្នា និងនាំគ្នាដាំដេីមតាមទីសាធារណៈ វត្តអារាម បង្កេីតសួនដេីម ប្រែក្លាយទៅជាតំបន់ប៉ៃតង់ ដេីម្បីអោយមានភាពទាក់ទាញដល់ភ្ញៀវទេសចរណ៍មកលេងកម្សាន្តដោយស្រូបកខ្យល់អាកាសបរិសុទ្ធ និងជួយស្រួលដល់ការប្រែប្រួល អាកាសធាតុ ផ្តល់ម្លប់ ស្រូបយកខ្យល់អ៊ុកស៉ីសែន ក្នុងការរស់នៅ និងតម្រូវការប្រកបដោយសេចក្តីសុខទៀតផង។ ឯកឧត្ដម អភិបាលខេត្ត បានបញ្ជាក់បន្ថែមទៀតថា ប្រទេសកម្ពុជាយេីងជាតំបន់ត្រូពេជ្រ ដែលងាយស្រួលក្នុងការថែរទាំ និងអាកាសធាតុល្អប្រសេីរ ពោលធ្វេីយ៉ាងណាយេីងរួមគ្នាទប់ស្កាត់ការកាប់បំផ្លាញ់ព្រៃឈេី និងបង្កេីននាំគ្នាដាំដេីមឈេីឡេីងវិញ ឲ្យបានគ្រប់ទីកន្លែងដែលជ្រេីសរេីសយកកន្លែងដែលមានភាពទាក់ទាញផងដែរ៕
