ស្រុកចំការលើ៖ នាព្រឹកថ្ងៃពុធ ទី២២ ខែកុម្ភះ ឆ្នាំ២០២៣ លោកជំទាវ ប៉ាង ដានី អនុប្រធានអចិន្ត្រៃយ៍ និងជាប្រធាន ក្រុមការងារឥស្សរជនឆ្នើមថ្នាក់ជាតិ ថ្នាក់សាខា តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា ប្រធាន គណៈកម្មាធិការសាខា បានអញ្ជើញចូលរួម ពិធីសំណេះសំណាល អបអរសាទរ ខួបទី ១៣ ទិវាជាតិ សុខភាពមាតា ទារក និងកុមារ ២១ កុម្ភៈ ឆ្នាំ២០២៣ ក្រោមប្រធានបទ «រួមគ្នាពង្រឹងសេវាសុខភាពបន្តពូជ សុខភាពមាតា ទារក កុមារ យុវវ័យ និងអាហារូបត្ថម្ភ ដើម្បីឈានទៅសម្រេចគោលដៅអភិវឌ្ឍន៍ ប្រកប ដោយ ចីរភាព នៅឆ្នាំ ២០៣០ »ដែលប្រព្រឹត្តទៅ នៅសាលប្រជុំសាលាស្រុក ចំការលើ ។
ក្នុងឱកាសនោះ លោកជំទាវ បាននាំយក វត្ថុអនុស្សាវរីយ៍ របស់សម្តេចកិត្តិព្រឹទ្ធបណ្ឌិត ឥស្សរជនឆ្នើមថ្នាក់ជាតិ ផ្តល់ជូន ស្រ្តីដែលបានចូលរួម ៧៥ នាក់ , ម្នាក់ ៗ ទទួលបាន ៖ សារុង ១ ក្រម៉ា ១ កន្សែងពោះគោធំតូច ២ សាប៊ូដុសខ្លួន ១ដប ទឹក អនាម័យ ស្ត្រី ១ដប សាប៊ូលុច្ស ៤ដុំ ម៉ាស់ ១០ បន្ទះ និងថវិកា ៥០,០០០ រៀល ។
បន្ទាប់ពីនោះ លោកជំទាវ និងក្រុមការងារ បានបន្ត ចុះសួរសុខទុក្ខ ស្ត្រីទើបសម្រាលកូន នៅតាមខ្នងផ្ទះ ចំនួន ៥នាក់ ក្នុងឃុំស្វាយទាប ដោយបានឧបត្ថម្ភជូន ក្នុងម្នាក់ៗ នូវ សារុង ១ ក្រម៉ា ១ កន្សែងពោះគោ ២ សាប៊ូដុសខ្លួន ១ដប ទឹកអនាម័យស្ត្រី ១ដប មី ១កេស ស្ករស ទឹកដោះគោ ខោអាវទារក និង ថវិកា៥០,០០០រៀល ផងដែរ ។
