កំពង់ចាម ៖ម៉ោង១១:៣០នាទី ថ្ងែទី១៥ ខែកុម្ភ: ឆ្នាំ២០២៣ នៅសាលប្រជុំ នៃមន្ទីរគណបក្សខេត្តកំពង់ចាម ឯកឧត្តម អ៊ុន ចាន់ដា ប្រធានគណ:កម្មាធិការគណបក្សខេត្ត កំពង់ចាម អញ្ជើញដឹកនាំកិច្ចប្រជុំបន្ទាន់ ដើម្បីដាក់ចេញនូវទិសដៅការងារចាំបាច់មួយចំនួន ដែលត្រូវអនុវត្តចំពោះមុខ ក្នុងគណ:ចលនាមហាជន យុវជន នារី សហជីព ប្រធានគណបក្សក្រុង/ស្រុកទាំង១០ នាយកសកវិទ្យាល័យ នាយកវិទ្យាស្ថានជាតិកសិកម្ម វិទ្យាស្ថានពហុបច្ចេកទេស នាយសាលា មធ្យមសុខាភិបាល នាយមជ្ឈមណ្ឌលគរុកោសល្យខេត្ត គរុកោសល្យភូមិភាគ ប្រធាន អនុប្រធាន មន្ទីរការងារ ប្រធានសាខាបក្សចំនួន១៤ មកពី បណ្ដារោងចក្រនានា ទូទាំងខេត្ត។ កិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម ខ្លូត ផន អនុប្រធានប្រចាំការគណបក្សខេត្ត ឯកឧត្តម ក្នុងគណ:ប្រចាំការនៃគណ:អចិន្ត្រៃយ៍គណបក្សខេត្ត សមាជិកអចិន្ត្រៃយ៍ និងមន្ត្រីគណបក្សពាក់ព័ន្ធមួយចំនួនទៀត។
