ត្រឹមរង្វង់៤ខែ ផ្លូវពីរខ្សែនេះនឹងស្ថាបនារួចរាល់ ការថ្លែងបែបនេះ ក្នុងពិធីដែល ឯកឧត្តម អ៊ុន ចាន់ដា អភិបាលនៃគណ:អភិបាល ខេត្ត កំពង់ចាម អញ្ជេីញបេីកការដ្ឋានសាងសង់ផ្លូវក្រាលកៅស៊ូពីរជាន់ ប្រភេទ DBST ចំនួនពីរខ្សែ ប្រវែង៣.១៨៥ម៉ែត្រ ដែលស្ថិតក្នុង ភូមិ ចំការខ្ពក សង្កាតសំបួរមាស ក្រុងកំពង់ចាម នៅព្រឹកថ្ងៃទី៧ ខែកក្កដា ឆ្នាំ២០២១។
ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម ថ្លែងថា យុទ្ធសាស្ត្ររបស់រាជរដ្ឋាភិបាលកម្ពុជា គឺ មនុស្ស ភ្លេីង ទឹក ផ្លូវ ។ សមិទ្ធិផលផ្លូវកៅស៊ូ នៅពេលនេះគឺជាសមិទ្ធិផលរបស់រាជរដ្ឋាភិបាលបានផ្តល់ជូនបងប្អូនប្រជពលរដ្ឋនៅទីនេះ ។ដូច្នោះ យេីងត្រូ វចូល រួមថែរក្សា ថែរទាំ ឲ្យបានគង់វង្សយូរអង្វែង ដេីម្បីអាចឲ្យកូនចៅជំនាន់ក្រោយ ប្រេីប្រាស់បានយូរ និងអាចជួយលេីការអភិវឌ្ឍន៍ជីវភាពគ្រួសារ និងជួយសម្រួលការធ្វេីដំណេីរដឹកកសិផលទៅកាន់ទីផ្សារបានងាយស្រួលផងដែរ។
ឯកឧត្តម អ៊ុន ចាន់ដា បានអំពាវនាវបន្ថែមទៀតថា ពលរដ្ឋទាំងអស់ត្រូវអនុវត្តន៍វិធានសុខាភិបាលឲ្យបានខ្ជួបខ្ជាន នូវវិធានការពារ បីការពារនិង បីកុំ តាមការណែនាំរបស់ក្រសួងសុខាភិបាល ។ ប៉ុន្តែទោះបីជាពលរដ្ឋបានទទួលវ៉ាក់សាំងរួចក៍ដោយ តែត្រូវរួមគ្នា បង្កេីនការប្រុងប្រយ័ត្ន បង្ការការពារ និងបន្តអនុវត្តន៍តាមការណែនាំរបស់ក្រសួងសុខាភិបាលឲ្យខ្ជាប់ខ្ជួន ដោយត្រូវអនុវត្តន៍ ពាក់ម៉ាស់ លាងដៃ និងគម្លាត សុវត្តិ ភាព ជាប្រចាំ ដេីម្បីកាត់ផ្តាច់ខ្សែចម្លង និងបញ្ចប់ព្រឹត្តិការណ៍ ២០កុម្ភៈ។
សូមជម្រាបជូន រដ្ឋបាលខេត្តកំពង់ចាម បានផ្តល់ជូនលោកតាលោកយាយ២០០នាក់ ក្នុងម្នាក់ៗទទួលបាន សារ៉ុងមួយ ។ ក្នុងនោះដែរ ឯកឧត្តម អភិបាលខេត្តកំពង់ចាម បានជួយឧបត្ថម្តដល់កងកម្កាំងប្រដាប់ទាំងបី ក្នុងមួយអង្គភាព២០ម៉ឺនរៀល និងប្រជាការពារ២០ម៉ឺនរៀលផងដែរ៕
