នៅព្រឹកថ្ងៃទី១១ ខែមិថុនា ឆ្នាំ២០២១នេះ ឯកឧត្តម ហាន កុសលអភិបាលរងខេត្តតំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញទទួលពានរង្វាន់ទិវាគ្មានថ្នាំជក់ពីអង្គការសុខភាពពិភពលោក នៅក្រសួងសុខាភិបាល ក្រោមអធិបតីភាពដ៏ខ្ពង់ខ្ពស់ឯកឧត្តមវេជ្ជបណ្ឌិតសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ។
នៅក្នុងកម្មវិធីនេះ លោកស្រី លី អៃឡាង ប្រធានអង្គការសុខភាពពិភពលោកប្រចាំប្រទេសកម្ពុជា ក្នុងនាមអង្គការសុខភាពពិភពលោក បានផ្ដល់កិត្តិយសប្រគល់ជូននូវពានរង្វាន់ចំនួន ២គឺ ទី១ជូនទៅក្រសួងសុខាភិបាល និង ១ទៀតជូនមករដ្ឋបាលខេត្តកំពង់ចាម ។
លោកស្រីបានធ្វើការកើតសរសើរភាពជាអ្នកដឹកនាំរបស់ក្រសួងសុខាភិបាល និងរដ្ឋបាលខេត្តកំពង់ចាម សម្រាប់ការខិតខំប្រឹងប្រែងរបស់ថ្នាក់ដឹកនាំ និងមន្ត្រីគ្រប់ជំនាញ គ្រប់ផ្នែក និងគ្រប់ថ្នាក់ ក្នុងកិច្ចការលុបបំបាត់ថ្នាំជក់ ដែលជាប្រភពមួយនៃវិបត្តិសុខភាព ។
ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងអំណរគុណដល់សម្តេចតេជោ ហ៊ុន សែន នាយករដ្ឋមន្ត្រី ដែលបានដាក់ចេញនូវគោលនយោបាយលុបបំបាត់ និងត្រួតពិនិត្យថ្នាំជក់តាំងពីឆ្នាំ ២០១៤ មក និងបានអរគុណដល់ឯកឧត្តតមអភិបាលខេត្តកំពង់ចាម សម្រាប់ភាពជោគជ័យមួយនេះ ។ លើសពីនេះទៀត ឯកឧត្តមបានលើកទឹកចិត្តដល់គ្រប់រដ្ឋបាលរាជធានី ខេត្ត ឱ្យបង្កើនការអនុវត្តបន្ថែមទៀតលើគោលនយោបាយលុបបំបាត់ និងត្រួតពិនិត្យថ្នាំជក់របស់រាជរដ្ឋាភិបាល និងគោលការណ៍ទីក្រុងគ្មានផ្សែងបារីរបស់រដ្ឋបាលរាជធានី ខេត្ត ពិសេសក្នុងបរិបទនៃការឆ្លងរាលដាលនៃជំងឺកូវីដ-១៩ នេះ។
![](https://scontent.fpnh1-1.fna.fbcdn.net/v/t1.6435-9/192291064_1972185472920349_7191105231405936721_n.jpg?_nc_cat=106&ccb=1-3&_nc_sid=8bfeb9&_nc_ohc=2lUTJkeVA4gAX-Kfu7u&_nc_ht=scontent.fpnh1-1.fna&oh=a67e3dfd4d966a76bd9e9c0ea2044a3e&oe=60C921A9)
![](https://scontent.fpnh1-1.fna.fbcdn.net/v/t1.6435-9/191475039_1972185502920346_2604798310905799760_n.jpg?_nc_cat=102&ccb=1-3&_nc_sid=8bfeb9&_nc_ohc=Ul7OIfIiLvsAX9ZQn2w&_nc_ht=scontent.fpnh1-1.fna&oh=7bb644c1fcf8dfd39a42405a56a5e14c&oe=60C78234)
![](https://scontent.fpnh1-2.fna.fbcdn.net/v/t1.6435-9/195813995_1972185736253656_1764946973695473171_n.jpg?_nc_cat=108&ccb=1-3&_nc_sid=8bfeb9&_nc_ohc=SuVEjQPjXZgAX_T5yjj&_nc_ht=scontent.fpnh1-2.fna&oh=de0b1514c5f3d6b7383511065d8e347a&oe=60C87CC6)
![](https://scontent.fpnh1-2.fna.fbcdn.net/v/t1.6435-9/193678325_1972185789586984_2920705356840255230_n.jpg?_nc_cat=110&ccb=1-3&_nc_sid=8bfeb9&_nc_ohc=yu2-HWq1v7QAX_5Zja3&_nc_ht=scontent.fpnh1-2.fna&oh=6a11a5bdb59e4d52411367f8b36aa0d0&oe=60C80224)
![](https://scontent.fpnh1-1.fna.fbcdn.net/v/t1.6435-9/193661606_1972185849586978_1508618161457145269_n.jpg?_nc_cat=107&ccb=1-3&_nc_sid=8bfeb9&_nc_ohc=1vcmMaB31AsAX-_v28v&_nc_ht=scontent.fpnh1-1.fna&oh=add6433c10f4cc57144d1f8fe0d69a0a&oe=60C874F2)