កំពង់ចាម៖នៅសៅរិ៍ ១០រោច ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី ២៦ ខែ កុម្ភៈ ឆ្នាំ ២០២២ រយៈពេលមួយថ្ងៃពេញ លោក ស្រី សុភ័ក្ត្រ សមាជិកយុវជនគណបក្សថ្នាក់កណ្ដាល និងជាប្រធានក្រុមការងារយុវជនគណបក្សខេត្តកំពង់ចាម រួមជាមួយនឹងសមាជិកក្រុមអចិន្ត្រៃយ៍នៃក្រុមការងារយុវជនគណបក្ស ៣រូបផ្សេងទៀត បានចូលរួមជាមួយគណបក្ស រៀបចំវគ្គបណ្ដុះបណ្ដាល និង ធ្វើបទឧទ្ទេសនាមមេរៀនស្តីពីច្បាប់ បទបញ្ជា និង នីតិវិធីនៃការបោះឆ្នោតជ្រើសរើសក្រុមប្រឹក្សាសង្កាត់ ជូនដល់ក្រុមប្រឹក្សាអ្នកច្បាប់គណបក្សក្រុង ស្រុក ប្រធានគណបក្សមន្ទីរអង្គភាព ក្រុមការងារយុវជនគនបក្សខេត្ត និង ក្រុងស្រុក។ វគ្គបណ្ដុះបណ្ដាលនេះ បានប្រព្រឹត្តទៅនៅមន្ទីរគណបក្សខេត្តកំពង់ចាម ក្រោមអធិបតីភាព ឯកឧត្តម ខ្លូត ផន អនុប្រធានគណកម្មាធិការគណបក្សខេត្តកំពង់ចាម ជាតំណាងឯកឧត្តម អ៊ុន ចាន់ដា ប្រធានគណៈកម្មាធិការគណបក្សខេត្តកំពង់ចាម។
វគ្គបណ្ដុះបណ្ដាលនេះ បានផ្តោតទៅលើទិដ្ឋភាពច្បាប់ បទបញ្ជា និង នីតិវិធីនៃការបោះឆ្នោតជ្រើសរើសក្រុមប្រឹក្សាសង្កាត់ និង តួនាទីភារកិច្ចភ្នាក់ងារ និងអ្នកសង្កេតការណ៍ ក្នុងដំណើរការបោះឆ្នោត និងរាប់សន្លឹកឆ្នោត។
