នៅថ្ងៃទី ១០ ខែ មិថុនា ឆ្នាំ២០១៥ ឯកឧត្តម លន់ លឹមថៃ ប្រធានគណបក្ស ប្រជាជនកម្ពុជា ខេត្តកំពង់ចាម បានដឹកនាំសមាជិកសមាជិកា គណបក្សខេត្ត ចំនួន៣៤៧នាក់ គោរពវិញ្ញាណក្ខន្ធ័ និង បង្សុកូល ឧទ្ទិសកុសល ផលបុណ្យជូនដល់សម្តេចអគ្គមហាធម្មពោធិសាល ជា ស៊ីម នៅមន្ទីរគណបក្សខេត្តកំពង់ចាម។
សម្តេចអគ្គមហាធម្មពោធិសាល ជា ស៊ីម បានទទួលអនិច្ចកម្ម កាលពីថ្ងៃទី ៨ ខែ មិថុនា ឆ្នាំ២០១៥ ។ សមាជិកសមាជិកាគណបក្សខេត្តទាំងមូល មានទុក្ខយ៉ាងក្រៀមក្រំ ស្តាយស្រណោះ អាលោះអាល័យ ចំពោះការបាត់បង់រូបសម្តេចដែលជាអគ្គមគ្គុទេសដ៏ឆ្នើមរបស់ជាតិ។ សមាជិកសមាជិកទាំងមូលសូមបួងសួងអោយវិញ្ញាណក្ខន្ធ័សម្តេចបានអញ្ជើញទៅសោយសុខក្នុងសុខគតិភពកុំបីឃ្លៀងឃ្លាតឡើយ។
