កំពង់ចាម៖នាព្រឹកថ្ងៃអង្គារ ទី១៤ ខែធ្នូ ឆ្នាំ២០២១ លោកជំទាវ ប៉ាង ដានី អភិបាលរងខេត្តកំពង់ចាម និងជាតំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញចូលរួម ពិធីប្រគល់ ទទួលជែលលាងដៃ របសកាកបាទក្រហមកម្ពុជា ដែលឧបត្ថម្ភ ដោយក្រុមហ៊ុន ហ័នយ៉ា ហ៊ឺចុង (ខេមបូឌា) ជូនសាខាកាកបាទក្រហមកម្ពុជាខេត មន្ទីរពេទ្យបង្អែកខេត្ត និងមន្ទីរពេទ្យបង្អែកស្រុកទាំង ៨ ក្រោមអធិបតីភាព លោកជំទាវ ម៉ែន នារីសោភ័ក អគ្គលេខាធិការរងទី១ កាកបាទក្រហមកម្ពុជា ធ្វើនៅសាខាកាកបាទក្រហមកម្ពុជាខេត្តកំពង់ចាម។ ជែលដែលត្រូវប្រគល់ជូនក្នុងនោះរួមមាន៖
– មន្ទីរពេទ្យបង្អែកខេត្ត ចំនួន ១០០កេស ស្មើនឹង ១.៦០០ដប
– មន្ទីរពេទ្យបង្អែកស្រុកទាំង៨ ក្នុង ១ស្រុកទទួលបានជែល ៦៥កេស ស្មើនឹង ១.០៤០ដប ក្នុងនោះរួមមានស្រុក៖ (បាធាយ,ជើងព្រៃ,ព្រៃឈរ,ចំការលើ, ស្ទឹងត្រង់, កងមាស, កោះសូទិន និងស្រុកស្រីសន្ធរ) ដោយឡែក សាខាកាកបាទក្រហមកម្ពុជាខេត្តទទួលបានជែល ៣០កេស ស្មើនឹង ៤៨០ដប និងអនុសាខាក្រុង-ស្រុកទាំងដប់ ក្នុង ០១អនុសាខាទទួលបាន ៣០កេស ស្មើនឹង ៤៨០ដប ។ កម្មវិធីមានការអញ្ជើញចូលរួមពី៖ លោកអនុប្រធានសាខាកាកបាទក្រហមកម្ពុជាខេត្ត, លោកអនុប្រធានមន្ទីរពេទ្យបង្អែកខេត្ត និងលោក លោកស្រី តំណាងមន្ទីរពេទ្យបង្អែកទាំង៨ និងអនុសាខាក្រុងស្រុកទាំង១០ សរុបចំនួន ២៧នាក់៕
